ކުޅުދުއްފުށީ ވައިޓަލް ކެއާއަށް ޑރ މުންޝިދު

ކަށީގެ ހާއްސަ ޑޮކްޓަރު، ޑރ މުހައްމަދު މުންޝިދު ކުޅުދުއްފުށީ ވައިޓަލް ކެއާގައި ބަލި މީހުން ބަލާގޮތަށް ހަމަޖެހިއްޖެ އެވެ. ވައިޓަލް ކެއާ އިން ބުނީ ޑރ މުންޝިދު އެ ކުލިނިކްގައި ފަރުވާ ދެއްވާނީ މިމަހު 3 ވަނަ ދުވަހާއި 4 ވަނަ ދުވަހު ކަމަށެވެ.

އެހެންވުމުން ޑޮކްޓަރަށް ދައްކަން ބޭނުންވާ ފަރާތްތަކުން ހުކުރު ދުވަސް ނޫން ކޮންމެ ދުވަހެއްގެ ހެނދުނު 8:30 - 19:00 އަށް ދެމެދު 6527315 ނުވަތަ 7427315 ގުޅައިގެން އެޕޮއިންޓްމެންޓް ހެއްދޭނެ އެވެ.

ދަތުގެ ފަރުވާއަށް ހާއްސަކޮށް މިދިޔަ 2021 ވަނަ އަހަރު ޖެނުއަރީމަހު ވައިޓަލްކެއާއިން ކުޅުދުއްފުށީގައި ހުޅުވި ކުލިނިކް މަދު ދުވަސްކޮޅެއްތެރޭ ބޮޑުތިލަދުންމަތީގެ ރައްޔިތުންގެ އިތުބާރާއި ޔަގީންކަން ހޯދާ، މަލްޓި ސްޕެސަލިޓީގެ ގިނަ ހިދުމަތްތަކާއެކު ހިދުމަތް ދެމުން އަންނަ ކުލިނިކެކެވެ.

ދަތުރުގެ ހުރިހާ ހިދުމަތެއް މިކުލިނިކުން ލިބޭއިރު، ލެބޯޓަރީއާއި ފާމަސީގެ ހިދުމަތް، އީސީޖީ، އެމްބިއުލޭޓަރީ ބީޕީ، ހޮލްޓަރ މޮނިޓަރގެ އިތުރުން، ޕަލްމޮނޮރީ ފަންކްޝަން ޓެސްޓްގެ ހިދުމަތްވެސް ލިބެ އެވެ.

އާސަންދައިގެ އިތުރުން ގިނަ އިންސުރެންސް ކަވަރޭޖް ލިބޭ މި ކްލިނިކުން އެލައިޑް އިންސުރެންސް، ސޮލަރެލްސް އިންސުރެންސް، އަމާނަތަކާފުލް އިންސުރެންސް، އެމްއެންޑީއެފް އަދި ޕޮލިސް އިންސުރެންސް ލިބޭނެ އެވެ.