ބަންގްލަދޭޝްގެ ސަފީރު ކުޅުދުއްފުއްޓަށް ވަޑައިގަންނަވައިފި

ބަންގްލަދޭޝް އިން ރާއްޖެއަށް ކަނޑައަޅުއްވާފައި ހުންނަވާ ސަފީރު ރިއަރ އެޑްމިރަލް އެސް އެމް އަބްދުލް ކަލާމް އާޒާދު ކުޅުދުއްފުއްޓަށް ވަޑައިގަންނަވައިފި އެވެ.

ބަންގްލަދޭޝް ސަފީރު މިއަދު ހެނދުނު ކުޅުދުއްފުއްޓަށް ވަޑައިގަތުމުން އެމަނިކުފާނަށް އެއާޕޯޓުން މަރުހަބާ ދެންނެވީ މޭޔަރު މުހައްމަދު އާތިފް އާއި ކައުންސިލް މެމްބަރުންނެވެ.

ދެ ދުވަހުގެ މި ދަތުރުފުޅުގައި ސިޓީ ކައުންސިލާ ބައްދަލުކުރައްވާނެ އެވެ. އަދި ކުޅުދުއްފުށީގައި ކުރިއަށްދާ އުމުރާނީ މަޝްރޫއުތައް ބައްލަވާލެއްވުމުގެ އިތުރުން ކުޅުދުއްފުށީގައި އުޅޭ ބަގްލަދޭޝްގެ ރައްޔިތުންނާ ބައްދަލުކުރައްވާނެ އެވެ.