ކުޅުދުއްފުށީ ގަރާޖެއްގައި އޮތް ކާރެއްގައި އަލިފާން ރޯވެއްޖެ

ކުޅުދުއްފުށީ، ގަރާޖެއްގައި އޮތް ކާރެއްގައި އަލިފާނުގެ ހާދިސާއެއް ހިނގައިފި އެވެ. އެމްއެންޑީއެފުން ބުނީ، އަލިފާނުގެ މިހާދިސާ އެ އިދާރާއަށް ލިބުނީ މިއަދު 17:31 ހާއިރު ކަމަށެވެ.

އެމްއެންޑީއެފުން ބުނީ އަލިފާން ރޯވީ ކާރުގެ ބޮނެޓްގައި ކަމަށެވެ. ރޯވި އަލިފާން ނިންވާލާފައިވަނީ 17:45 ހާއިރު އެމްއެންޑީއެފް ނޮދަން އޭރިއާ ކޮމާންޑް، ކުޅުދުއްފުށި ފަޔަރ މަނުން ކަމަށެވެ.

މި ހާދިސާގައި އެއްވެސް މީހަކަށް އަނިޔާވެފައިނުވާކަމަށް އެމްއެންޑީއެފުން މައުލޫމާތުދެ އެވެ.