twitterviber whatsapp telegramfacebookyoutube instagram
30th August 2025

އޯލެވެލް އިމްތިހާނުގެ ނަތީޖާތައް ދޫކުރަން ފަށައިފި

Aug 16, 2023

އައިޖީސީއެސްއީ އޯލެވެލް އަދި އެސްއެސްސީ އިމްތިހާނުގެ ނަތީޖާ ދޫކުރަން މިއަދު ފަށައިފި އެވެ.

ޑިޕާޓްމަންޓް އޮފް ޕަބްލިކް އެގްޒަމިނޭޝަން (ޑީޕީއީ) ބުނީ އެސްއެސްސީ އިމްތިހާނުގެ ނަތީޖާ މިއަދު ހެނދުނު 9:00 ގައި އަދި އޯލެވެލްގެ ނަތީޖާ 10:00 ގައި ސެންޓަރުތަކަށް ފޮނުވާފައިވާ ކަމަށެވެ.

މިއަހަރު މޭ އަދި ޖޫން މަހު ހެދި އޯލެވެލް އަދި އެސްއެސްސީ އިމްތިހާނުގެ ނަތީޖާ ދޫކުރަން ފަށާފައި ވަނީ މިއަދު މެންދުރު އެވެ. އެގޮތުން މެންދުރު 12:00 އިން ފަށައިގެން އެ ދަރިވަރަކު އިމްތިހާނު ހެދި ސެންޓަރަކުން ނަތީޖާ ދޫކުރަމުން ދާނެ އެވެ.

ނަތީޖާ ރީޗެކް ކުރަން ބޭނުންވާ ދަރިވަރުންނަށް މާދަމާއިން ފެށިގެން މި މަހުގެ 31 ވަނަ ދުވަހާ ހަމައަށް އެ ފުރުސަތު ވަނީ ހުޅުވާލާފައެވެ. އެގޮތުން ނަތީޖާ ރީޗެކް ކުރުމަށް އެދި ހުށަހަޅަން ޖެހޭނީ އެ ދަރިވަރަކު އިމްތިހާނު ހެދި ސެންޓަރަކަށެވެ.

މި އަހަރުގެ އެސްއެސްސީ އިމްތިހާނު ފެށީ މިދިޔަ އެޕްރިލް މަހުގެ 25 ވަނަ ދުވަހުއެވެ. އަދި, އައިޖީސީއެސްސީ އިމްތިހާނު ފެށީ މޭ މަހުގެ ދެވަނަ ދުވަހުއެވެ.

މި އަހަރުގެ އެސްއެސްސީ އިމްތިހާނުގައި ޖުމުލަ 6،107 ދަރިވަރުން ބައިވެރިވެފައި ވެއެވެ. އެއީ, މިދިޔަ އަހަރާ އަޅާބަލާއިރު، 444 ދަރިވަރުންގެ އިތުރުވުމެކެވެ.

އައިޖީސީއެސްސީ އިމްތިހާނުގައި ޖުމުލަ 6،698 ދަރިވަރުން ބައިވެރިވިއިރު، އެއީ މިދިޔަ އަހަރާ އަޅާބަލާއިރު 759 ދަރިވަރުންގެ އިތުރުވުމެކެވެ.

Kulhudhuffushi Online
Hikifinifenmaage
Maalihaa Magu
H.Dh. Kulhudhuffushi
Tel: 6528355, 7978355