ރަޝާދާއި އަބުދުﷲ އިޤްބާލު ހިމެނޭހެން ޕީޕީއެމްގެ ޒުވާނުންތަކެއް ޖޭޕީއަށް

ކުޅުދުއްފުށީގައި ޕީޕީއެމްގެ ހަރަކާތްތަކުގައި އިސްކޮށް އުޅުއްވި ރަޝާދު ހަސަން އާއި އަބުދުﷲ އިގްބާލު ޖުމްހޫރީ ޕާޓީއާ ގުޅިވަޑައިގަންވައިފި އެވެ.

އަބުދުﷲ އިގްބާލު ވަނީ ނިމިދިޔަ ކައުންސިލް އިންތިހާބުގައި ޕީޕީއެމްގެ ޓިކެޓްގައި މޭޔަރުކަމަށްވެސް ވާދަކުރައްވާފަ އެވެ. މީގެ އިތުރުން ރަޝާދު ފާހަގަކުރެވެނީ ޕީޕީއެމްގެ ހަރަކާތްތައް ހިންގުމުގައި އިސްކޮށް އުޅުއްވާ ފަރާތެއްގެ ގޮތުގައި އެވެ.

ޖޭޕީގެ ލީޑަރު ގާސިމް އިބުރާހިމް ކުރެއްވި ޓްވީޓެއްގައި ވިދާޅުވީ، އެ ބޭފުޅުން ޖޭޕީ ގުޅިވަޑައިގަތުމަކީ އެ ޕާޓީގެ ސިޔާސީ އިސްލާހީ މަސައްކަތަށް ލިބުނު އިތުރު ހިތްވަރެއް ކަމަށެވެ.

ޕީޕީއެމް ކުޅުދުއްފުށީ މައި އެއް ތަނބު ކަމުގައިވާ، ރަޝާދު އަދި އެންމެފަހުން ބޭއްވި ލޯކަލްކައުންސިލް އިންތިޚާބުގައި ޕީޕީއެމްގެ ފަރާތުން ކުޅުދުއްފުށީ މޭޔަރ ކެންޑިޑޭޓް އަކަށް ކުރިމަތިލެއްވި އިޤްބާލު، އަދި ޒުވާން ނަބީލުއާއި ޓީމް އަޅުގަނޑުމެންނާ ގުޅުމަކީ ކުޅުދުއްފުށިންނާއި ބޮޑު… pic.twitter.com/XZvEiyyA1P

— Qasim Ibrahim (@qasimibrahim) August 23, 2023

އަބުދުﷲ އިގްބާލާއި ރަޝާދުގެ އިތުރުން ކުޅުދުއްފުށީގެ ޕީޕީއެމްގެ ޒުވާން އެކްޓިވިސްޓުންތަކެއްވެސް ޖޭޕީ ގުޅިފައިވާކަން ގާސިމް ހާމަކުރެއްވި އެވެ.