ބޮޑު ސަރަހައްދެއް ބަންދުކޮށް ރައީސް ކުޅުދުއްފުއްޓަށް ވަޑައިގަންނަވައިފި

ބޮޑު ސަރަހައްދެއް ބަންދުކޮށް ރައިސުލްޖުމްހޫރިއްޔާ އިބްރާހިމް މަހައްމަދު ސޯލިހު ކުޅުދުއްފުއްޓަށް ދާދި ދެންމެއަކު ވަޑައިގެންފި އެވެ.

ރައިސުލްޖުމްހޫރިއްޔާ މިއަދު ކުޅުދުއްފުއްޓަށް ވަޑައިގަންނަވާތީ، ކުޅުދުއްފުށީ ހިއްކި ބިމާއި އުތުރު ބަނދަރު ސަރަހައްދު ހިމެނޭހެން ބޮޑު ބޮޑުބައެއް ފުލުހުން ވަނީ ބަންދު ކޮށްފަ އެވެ.

އަތޮޅުތެރެއާއި މާލެއިން ގިނައަދަދެއްގެ ފުލުހުންގެނެސް، ސެކިއުރިޓީ ވަނީ ވަރަށް ބޮޑަށް ވަރުގަދަކޮށްފަ އެވެ.

ރައީސް މިއަދު ކުޅުދުއްފުއްޓަށް ވަޑައިގަންނަވާތީ، މި ދައުރު ކުޅުދުއްފުއްޓަށް ނުވެހުރި ވައުދުތައް ރައީސަށް އަޑުއިއްވުމަށް ރައްޔިތުންގެ ބަޔަކުވަނީ އެ ސަރަހައްދުގައި އަންނަނީ އިހުތިޖާޖުކުރަމުންނެވެ.

އިހުތިޖާޖު ކުރާފަރާތްތަކުން އަޑުއުފުލުމަށް ކުޅުދުއްފުއްޓަށް ރައީސް ވެފައި، ނުފުއްދާ ހުރި ވައުދުތައް ހިމެނޭ ބެނާތައް އަންނަނީ ބޭނުން ކުރަމުންނެވެ.