ގަވައިދާ ހިލާފަށް ޕާކްކުރާ ވެހިކަލް ޓޯ ކުރާނެ: ސިޓީ ކައުންސިލް

މަގުމަތީގެ ސަލާމަތާއި ރައްކާތެރިކަމަށް ހާއްސަ ސަމާލުކަމެއް ދިނުމަށާއި ސްޓޭޑިއަމް ސަރަހައްދުގައި ވެހިކަލް ޑަބަލް ޕާކް ނުކުރުމަށް ކުޅުދުއްފުށީ ސިޓީ ކައުންސިލުން އިލްތިމާސްކޮށްފި އެވެ.

މި ދުވަސްވަރަކީ ކުޅުދުއްފުށީގައި މަކިޓާ ޖޫނިއާ ޗެމްޕިއަންޝިޕް ކުރިއަށްދާ ދުވަސްވަރުކަމުން ސްޑޭޑިއަމް ސަރަހައްދުގައި ވަރަށް ގިނަ ވެހިކަލްތައް ޕާކްކޮށްފައި ހުރެ އެވެ.

ސިޓީ ކައުންސިލުން ބުނީ ސްޓޭޑިއަމް ސަރަހައްދުގައި ވެހިކަލް ޑަބަލް ޕާކް ނުކުރުމަށާއި، ކަންމަތީގައި އަދި މަގު މެދުގައި ޕާކް ނުކުރަން އިލްތިމާސްކުރާ ކަމަށެވެ.

މީގެ އިތުރުން ކައުންސިލުން ބުނީ ވެހިކަލްތައް ބޭނުން ނުކުރާ ވަގުތުތަކުގައި، އެ ވެހިކަލެއް ރަޖިސްޓަރީ ކުރެވިފައިވާ ގާރާޖަކަށް ލުމަށްވެސް ހާއްސަ ސަމާލުކަމެއް ދިނުމަށް އިލްތިމާސްކުރާ ކަމަށެވެ.

ގަވައިދާ ހިލާފަށް ޕާކްކުރާ ވެހިކަލްތައް މޯލްޑިވްސް ޕޮލިސް ސާވިސްއިން ޓޯ ކުރަމުން ގެންދާނެ ކަމަށްވެސް ކައުންސިލުން ވަނީ ހަނދާންކޮށްދީފަ އެވެ.