ބާރު ސްޕީޑްގައި ދުއްވި ސައިކަލެއް އެހެން ސައިކަލެއްގައި ޖެހި އެކްސިޑެންޓްވެއްޖެ
ބާރު ސްޕީޑްގައި ދުއްވި ސައިކަލެއް ކޮންޓްރޯލުނުވެ، މަގު ހުރަސްކުރި އެހެން ސައިކަލެއްގައި ޖެހި އެކްސިޑެންޓް ވެއްޖެ އެވެ.
އެކްސިޑެންޓް ހިނގީ މިއަދު ހެނދުނު ގާތްގަނޑަކަށް 10:30 އެހާއިރު އެވެ. މަންޒަރު ދުށް މީހުން ކޭއޯއަށް މައުލޫމާތު ދެމުން ބުނީ، އެކްސިޑެންޓްވީ އަމީނީމަގުން ދެކުނުން އުތުރަށް ދުއްވި ސައިކަލަކާއި އަމީނީމަގު ހުރަސްކުރަން، މަގާންމަގުން ހުޅަނގުން އިރަށް ދުއްވި ސައިކަލެއް ޖެހި ކަމަށެވެ.
އަމީނީމަގުން ދިޔަ ސައިކަލް ދިޔައީ ބާރު ސްޕީޑްގައި ނުގަވައިދުން ފަޅި ކަމަށް މަންޒަރުދުށް މީހުން ކިޔައިދިނެވެ. އަދި އެކްސިޑެންޓްވުމަށްފަހު އެމިހާ މަޑުނުކޮށް ވަނީ ގޮސްފަ އެވެ.
އެކްސިޑެންޓްވި އަނެއް ސައިކަލުގައި ތިބީ މެދު އުމުރެއްގެ ދެ ފިރިހެނުންނެވެ. ހަށިގަނޑުގެ ބައެއް ތަންތަން މަށައިގެން ދިޔުން ފިޔަވާ މާ ބޮޑު އަނިޔާއެއް އެ ދެ މީހުންނަށްވެފައިވާކަން އެނގިފައެއް ނުވެ އެވެ.
