ޓޫރިޒަމް މިނިސްޓްރީގެ ނައިބުގެ މަގާމުގައި ހުންނެވި އަހުމަދު އާތިފް އަންނަ އަހަރުގެ ރައްޔިތުންގެ މަޖިލީހުގެ އިންތިހާބުގައި ވާދަކުރައްވަން ނިންމާފައިވާކަން ހާމަކުރައްވައިފި އެވެ.
އާތިފް އިއްޔެ ފޭސްބުކްގައި ކުރެއްވި ޕޯސްޓެއްގައި ވިދާޅުވީ ކުރިއަށް އޮތް ރައްޔިތުން މަޖިލިސް އިންތިހާބުގައި ކުޅުދުއްފުށީ ދެކުނު ދާއިރާގެ އެމްޑީޕީ ޕްރައިމަރީގައި ވާދަކުރަން ނިންމަވާފައިވާ ކަމަށެވެ.
އެހެންވުމުން ކުޅުދުއްފުށީގެ އެމްޑީޕީ ދެކުނު ދާއިރާގެ ވީހާވެސް ގިނަ ރައްޔިތުންގެ ތާއިދަށް އޭނާ އެދިވަޑައިގެންނެވި އެވެ.
އާތިފް ވަނީ 19 ވަނަ ރައްޔިތުން މަޖިލީހުގައި ވާދަކުރެއްވުމަށް އެމްޑީޕީ ޕްރައިމަރީގައި ކުޅުދުއްފުށީ ދެކުނު ދާއިރާއަށް ވާދަކުރައްވާފަ އެވެ. އެފަހަރު އެމްޑީޕީގެ ޓިކެޓް ކާމިޔާބުކުރެއްވީ މިހާރު އެ ދާއިރާ ތަމްސީލުކުރައްވާ މެމްބަރު ޖަމްޝީދު މުހައްމަދެވެ.
ޓޫރިޒަމް މިނިސްޓްރީގެ ނައިބަކަށް އާތިފް އައްޔަންކުރެއްވީ 2020 ވަނަ އަހަރުގެ ޖެނުއަރީމަހުގެ ތެރޭގަ އެވެ. އޭރު އޭނާ ހުންނެވީ ހދ އަތޮޅު ކައުންސިލްގެ ކައުންސިލަރެއްގެ މަގާމުގަ އެވެ.
ކުޅުދުއްފުށީ މޭޔަރުގެ މަގާމަށް ވާދަކުރައްވާނެކަންވެސް އޭނާ އިއުލާންކުރެއްވި އެވެ. އެކަމަކު އެ ނިންމުން ބަދަލުކުރެއްވީ ޓޫރިޒަމް މިނިސްޓްރީގެ ނައިބުކަމުގެ މަގާމު ލިބިވަޑައިގެންނެވުމުންނެވެ.
އާތިފް ވަނީ އޭގެ ކުރިންވެސް އަތޮޅު ކައުންސިލްގެ ރައީސްކަމާއި ނައިބު ރައީސްކަމުގެ މަގާމުވެސް ފުރުއްވާފަ އެވެ.
ޓެކްސީ އަގުތަކަށް ބަދަލު ގެނައުމަށް ޑްރައިވާސް އެސޯސިއޭޝަނުން ގޮވާލައިފި
ރައީސް އަޒުލުކުރުމަށް ވޯޓްދޭން އެދި އެމްޑީޕީން ރިޝްވަތު ހުށަހެޅި: ސަލީމް
ގޭ ބަންދަށް ބަދަލުކުރިތާ 24 ގަޑިއިރު ނުވަނީސް ބައްސާމް އަނެއްކާވެސް ޖަލަށް
ބައްސާމް ޖަލު ބަންދުން ގޭ ބަންދަށް
