ޕީޕީއެމް ކުޅުދުއްފުށީ އުތުރު ދާއިރާގެ ރައީސް އަހުމަދު މުޖުތަބާ (މުޖޭ) އަންނަ އަހަރު ބާއްވާ ރައްޔިތުން މަޖިލީހުގެ އިންތިހާބު ވާދަކުރައްވަން ނިންމައިފި އެވެ
މުޖޭ މިކަން ހާމަކޮށް ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ ކުރިއަށް އޮތް ރައްޔިތުން މަޖިލިސް އިންތިހާބުގައި ކުޅުދުއްފުށީ އުތުރު ދާއިރާގެ ޕީޕީއެމް/ޕީއެންސީ ޕްރައިމަރީގައި ވާދަކުރަން ނިންމަވާފައިވާ ކަމަށެވެ.
ކުރީގެ ސަރުކާރުން މަގު ހެދުމަށް އުފެއްދި ކުންފުނިކަމުގައިވާ މޯލްޑިވްސް ރޯޑް ޑިވެލޮޕްމަންޓް ކޯޕަރޭޝަން (އެމްއާރުޑީސީ)ގެ ކުޅުދުއްފުށީ ސައިޓްގެ އެސިސްޓެންޓް މެނޭޖަރުގެ މަގާމު 7 އަހަރު ފުރުއްވާފަ އެވެ.
މުޖޭ އިތުރުން ކުޅުދުއްފުށީ އުތުރު ދާއިރާ ޕީޕީއެމް/ޕީއެންސީ ޕްރައިމަރީގައި ވާދަކުރައްވާނެކަން މާލެ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝްވެސް ވަނީ ހާމަކުރައްވާފަ އެވެ.
