ފަޤީރުންނާއި މިސްކީނުންގެ ދަފްތަރުގައިވާ ފަރާތްތަކުން ހާލަތު ދެނެގަތުމަށް ރިވިއު ފޯމު ހުށަހަޅަން އެދިއްޖެ

ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ހުރިހާ ފަރާތްތަކުން ހާލަތު ދެނެގަތުމަށް ރިވިއު ފޯމު ހުށަހެޅުމަށް ކުޅުދުއްފުށީ ސިޓީ ކައުންސިލުން އެދިއްޖެ އެވެ.

ސިޓީ ކައުންސިލުން ކުރި އިއުލާނުގައި ބުނީ 2021 އަދި 2022 ވަނަ އަހަރު ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ހުރިހާ ފަރާތްތަކުން، "ފަޤީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކުގެ ހާލަތުދެނެގަންނަ ފޯމް" 24 ޑިސެމްބަރު، ދުވަހުގެ 12:00 ގެ ކުރިން ކުޅުދުއްފުށި ސިޓީ ކައުންސިލްގެ އިދާރާއަށް ހުށަހަޅަން ވާނެ ކަމަށާއި މި ތާރީހުގެ ކުރިން ފޯމް ހުށަހަޅާފައިނުވާ ފަރާތްތައް ދަފްތަރުން އުނިކުރެވޭނެ ކަމަށެވެ.

މީގެ އިތުރުން މިއަހަރު ފަގީރުންނާއި މިސްކީނުންގެ ދަފްތަރުގައި ރަޖިސްޓްރީވެފައިވާ ފަރާތްތަކުގެ ތެރެއިން އަންނަނިވި ހާލަތްތައް މެދުވެރިވެފައިވާ ފަރާތްތަކުން ފޯމު ފުރަން ޖެހޭނެ ކަމަށެވެ.

ސިޓީ ކައުންސިލުން ބުނީ ކައުންސިލަށް ފޯމް ބަލައިގަންނާނީ ފޯމު ފުރިހަމަ ކުރަންޖެހޭ ބައިތައް ފުރިހަމަކޮށް، ފޯމާއި އެކު ކައުންސިލް ބަޔާންކޮށްފައިވާ ލިޔުންތަކާއި އެކު ފޯމް ހުށްހެޅުމުން ކަމަށެވެ.

ފޯމު ދޫކުރުން ކައުންސިލުގެ ކައުންޓަރުންނާއި ވެބްސައިޓުން 22 ޑިސެމްބަރުގެ 08:30 ން 13:00 އަށް ކުރިއަށްދާނެ ކަމަށާއި ފޯމު ބަލައިގަތުން 03 ން 24ޑިސެމްބަރުގެ 12:00 އަށް ސިޓީ ކައުންސިލް ކައުންޓަރުން ކުރިއަށްދާނެ ކަމަށެވެ.