ޕަބްލިކް ލައިބްރަރީ ހަދަން ގިބްސް ލޮޖިސްޓިކްސްއާ ހަވާލުކޮށްފި

ކުޅުދުއްފުށީގައި އެންމެ ފަހުން ހެދި ލޯކަލް މާރުކޭޓް ހިންގި އިމާރާތުގައި ޕަބްލިކް ލައިބްރަރީއެއް ގާއިމުކުރުމަށް ސިޓީ ކައުންސިލުން ގިބްސް ލޮޖިސްޓިކްސް ޕްރައިވެޓް ލިމިޓެޑްއާއި ހަވާލުކޮށްފި އެވެ.

ކައުންސިލުން މިއަދު ބުނީ ގިބްސް ލޮޖިސްޓިކްސް އާއި މި މަސައްކަތް ހަވާލުކޮށްފައިވަނީ 1,888,380 (އެއް މިލިއަން އަށް ލައްކަ އައްޑިހަ އައްހާސް ތިން ސަތޭކަ އައްޑިހަ) ރުފިޔާއަށް، 129 ދުވަހުގެ ތެރޭގައި މަސައްކަތް ނިންމުމަށް ކަމަށެވެ.

މި އެއްބަސްވުމުގެ ތެރޭގައި ހިމެނޭ މައިގަނޑު މަސައްކަތްތައް:

ސިޓީ ކައުންސިލުން މިދިޔަ އޮކްޓޯބަރު މަހު 18 ވަނަ ދުވަހު ބޭއްވި އާންމު ބައްދަލުވުމުގައި މާރުކޭޓް ހިންގި އިމާރާތުގެ ބައެއްގައި ޕަބްލިކް ލައިބްރަރީއެއް ގާއިމުކުރުމަށް ވަނީ ފާސްކޮށްފަ އެވެ. ސިޓީ ކައުންސިލުން ޕްލޭންކޮށްފައިވަނީ އެތަނުގެ އަނެއް ފަޅީގައި މިއުޒިއަމެއް ތަރައްގީކުރުމަށެވެ. އެކަމަކު މިއުޒިއަމް ގާއިމުކުރުމަށް ނިންމާފައިވަނީ ދެވަނަ ފިޔަވަހީގަ އެވެ.

މި ބައްދަލުވުމުގައި ވާހަކަދައްކަވަމުން މޭޔަރު މުހައްމަދު އާތިފް ވިދާޅުވީ، ޕަބްލިކް ލައިބްރަރީއެއް ގާއިމުކުރުމަކީ ފަސް އަހަރުގެ ތަރައްގީގެ ޕްލޭންގައި ހިމަނާފައިވާ ކަމެއް ކަމަށާއި މާރުކޭޓް ހިންގި އިމާރާތުގައި ލައިބްރަރީ ގާއިމުކުރަނީ ހަރަދުކުޑަކުރުމަށާއި އެ ހިދުމަތް ރައްޔިތުންނަށް އަވަހަށް ފޯރުކޮށްދިނުމަށް ކަމަށެވެ.

މި ބަހުސްގައި ވާހަކަ ދެއްކި 3 މެމްބަރުންވެސް ފާހަގަކުރެއްވީ، ރަށެއް ތަރައްގީވާއިރު ޕަބްލިކް ލައިބްރަރީއެއް ހުރުމުގެ މުހިންމުކަމުގެ މައްޗަށެވެ. މި ލައިބްރަރީ ގާއިމުކޮށް ނިމޭއިރު ކުދި ބައްދަވުންތަކާއި ގުރޫޕް ސްޓަޑީސް ހެދޭނެ އިންތިޒާމުތައްވެސް ހަމަޖެހިގެންދާނެ އެވެ.