ކުޅުދުއްފުށީގެ ބައެއް ސަރަހައްދުތަކުގައި ކެމެރާ ހަރުކުރަނީ

ސިޓީ ކައުންސިލުން ކުޅުދުއްފުށީގެ ބައެއް ތަންތަނުގައި ކެމެރާ ހަރުކުރުމުގެ މަސައްކަތް ފަށައިފި އެވެ. މިއީ މިގޮތަށް އެ ކައުންސިލުން ހިންގާ ދެވަނަ މަޝްރޫއު އެވެ.

މިފަހަރު ކެމެރާ ހަރުކުރަނީ ޝަހީދު ހުސައިން އާދަމް ޕާކު، މަސްމާރުކޭޓު، އައުޓްޑޯރ ޖިމް، އެންއޯސީ، ދަތުރުހިޔާ، ފިޔަވާލި (ދަގަނޑުގެ) އަދި ޕަބްލިކް ލައިބްރަރީގައި އެވެ.

އެ މަސައްކަތްކޮށްދޭ ފަރާތްތަކާއެކު ޕްރީ ބިޑް މީޓިން ކައުންސިލުން ބޭއްވި މިއަދު އެވެ.

2022 ވަނަ އަހަރު ހިންގި ކެމެރާ ހަރުކުރުމުގެ މަސައްކަތަށް 441،300.00 ރުފިޔާގެ ހަރަދުކުރި އެވެ. އެފަހަރު ކެމެރާ ހަރުކޮށްފައިވަނީ ޖިމް، ކޮމިއުނިޓީ ސެންޓަރ، ކޮމިއުނިޓީ ޖިމް، ޕަބްލިކް ވޯކްސް ސާވިސެސްގެ އިތުރުން ދަތުރު ހިޔާ އަދި ޣަނީމާގަ އެވެ.