ވޯޓް ގުނަން ފަށައިފި

ވިހިވަނަ ރައްޔިތުންގެ މަޖިލީހަށް މެންބަރުން އިންތިހާބު ކުރުމަށްޓަކައި މުޅި ރާއްޖޭގައި ބޭއްވި ވޯޓުލުމުގެ ވަގުތު ހަމަވެ، ކުޅުދުއްފުށީގައި ބަހައްޓާފައިވާ ވޯޓުފޮށިތައް ގުނަން ފަށައިފި އެވެ.

މުޅި ރައްޖޭގައި ބާއްވާ މި އިންތިހާބުގައި މަޖިލީހުގެ ޖުމުލަ 93 ދާއިރާއަކަށް މެންބަރުން ހޮވާނެއެވެ.

މި އިންތިހާބުގައި ކުޅުދުއްފުށީގައި ޖުމްލަ 9 ވޯޓުފޮށި ބެހެއްޓިފައިވާއިރު މީގެ ތެރެއިން 1 ފޮއްޓަކީ ރަށުން ބޭރު މީހުންނަށް ހާއްސަކުރެވިފައިވާ ވޯޓު ފޮއްޓެކެވެ.

ކުޅުދުއްފުށީ އުތުރު ދާއިރާއަށް ވޯޓުލުމުގެ ހައްގު ލިބިފައިވަނީ 3559 މީހުންނަށެވެ. އަދި ކުޅުދުއްފުށީ ދެކުނު ދާއިރާއަށް ވޯޓުލުމުގެ ހައްގު ލިބިފައިވަނީ 3514 މީހުންނަށެވެ.