ހަނިމާދޫ އެއާޕޯޓްގެ ދެ މުވައްޒަފުން ހަތިޔާރު ބޭނުންކޮށްގެން މާރާމާރީ ހިންގައިފި

ހދ ހަނިމާދޫ އިންޓަނޭޝަނަލް އެއާޕޯޓްގަައި މަސައްކަތް ކުރާ ބިދޭސީ ދެ މުވައްޒަފުން ހަތިޔާރު ބޭނުންކޮށްގެން މާރާމާރީ ހިންގައިފިއެވެ.

ފުލުހުން މީޑިއާތަކާ ހިއްސާކުރި މެސެޖެއްގައި ބުނީ، އެ އެއާޕޯޓްގެ ބިދޭސީ ދެ މުވައްޒަފުން ހަތިޔާރު ބޭނުންކޮށްގެން މާރާމަަރީ ހިންގި މައްސަލައެއް ރޭ 20:00 ގައި ފުލުހުންނަށް ރިޕޯޓްކޮށްފައިވާ ކަމަށެވެ.

މި މައްސަލައިގައި ތުހުމަތު ކުރެވޭ މީހަކު ފުލުހުންގެ ބެލުމުގެ ދަށަށް ގެނެސްފައި ވާކަމަށާއި މާރާމާރީގައި އަނިޔާވި މީހާއަށް ހަނިމާދޫ ހެލްތު ސެންޓަރުގައި ފަރުދާ ދެމުން އަންނަ ކަމަށް ފުލުހުން ބުންޏެވެ.

ފުލުހުން ބުނީ މި މައްސަލައިގައި ހައްޔަރުކޮށްފައިވަނީ 37 އަހަރުގެ އިންޑިއާ ފިރިހެނެއް ކަމަށާއި މާރާމާރީގައި އަނިޔާ ލިބިފައިވަނީ 39 އަހަރުގެ އިންޑިއާ ފިރިހެނަކަށް ކަމަށެވެ.

މި މައްސަލަ ފުލުހުން އަންނަނީ ތަހުގީގު ކުރަމުންނެވެ.

އެނގިފައިވާގޮތުގައި މި މާރާމާރީ ހިނގާފައިވަނީ އެ އެއާޕޯޓު ހަދަން އުޅޭ (ކޮންސްޓްރަކްޝަން) މަސައްކަތް ކުރަން އުޅޭ ޖޭއެމްސީ ދެ މުވައްޒަފެގެ ދެމެދުގަ އެވެ.