ހާޖީ މެޑިކަލްގެ ނަމުގައި ކުޅުދުއްފުށީގައި އިތުރު ކުލިނިކެއް ހުޅުވައިފި

ކުޅުދުއްފުށީގައި 'ހާޖީ މެޑިކަލް ކުލިނިކް'ގެ ނަމުގައި އިތުރު ކުލިނިކެއް ހުޅުވައިފި އެވެ. ހިކިފިނިފެންމާގޭގައި ހުޅުވި މި ކުލިނިކް ހުޅުވައިދެއްވީ މިއަދު ހެނދުނު އޮތް ހަފުލާއެއްގައި ކުޅުދުއްފުށީ މޭޔަރު މުހައްމަދު އާތިފެވެ.

ކުލިނިކް ހުޅުވައިދެއްވުމަށްފަހު ކޭއޯއަށްދެއްވި އިންޓަވިއުއެއްގައި މޭޔަރު އާތިފް ވިދާޅުވީ، މި ކުލިނިކަކީވެސް ކުޅުދުއްފުށީގެ ހިދުމަތުގެ ލިސްޓަށް އިތުރުވި ބޮޅެއްކަމަށެވެ.

މިކަމުގެ ސަބަބުން ކުޅުދުއްފުއްޓާއި މިސަރަހައްދުގެ ރައްޔިތުންނަށް ބޮޑު ލުއި ފަސޭހަތަކެއް ލިބިގެންދާނެކަމަށާއި ހޮސްޕިޓަލުން ނުލިބޭ ހިދުމަތްތައް ހޯދުމަށް މާލެ ސަރަހައްދަށް ރައްޔިތުން ކުރާ ހޭދަ ކުޑަވެގެންދާނެކަން މޭޔަރު ފާހަގަކުރެއްވި އެވެ.

"ބޮޑުތިލަދުންތީގެ 70 ހާހުގެ ރައްޔިތުންގެ އެކި ހިދުމަތްތަކަށް ކަނެކްޓްވެފަ މިއޮންނަނީ ކުޅުދުއްފުއްޓާ، އެހެންވީމަ ކުޅުދުއްފުށީގައި އިތުރުވާ ކޮންމެ ހިދުމަތެއް ވެގެންދާނީ ކުޅުދުއްފުށީގެ ރައްޔިތުނަށް އެކަނި ހުޅުވިގެންދާ ހިދުމަތެއް ނޫން. މިއީ މުޅި ބޮޑުތިލަދުންމަތީގެ ރައްޔިތުންނަށް ލިބިގެންދާ ހިދުމަތަކާއި ލުއި ފަސޭހަކަމެއް." މޭޔަރު ވިދާޅުވި އެވެ.

ހާޖީ މެޑިކަލް ކުލިނިކްގައި މިވަގުތު ދަތުގެ ހިދުމަތް ދިންކަމުގައިވިޔަސް ކުރިއަށް އޮތްތަނުގައި ހާއްސަ ބަލިތަކުގެ ޑޮކްޓަރުންގެ ހިދުމަތްވެސް ލިބިގެންދާނެ އެވެ.

ހާޖީ މެޑިކަލް ކުލިނިކުން ލިބޭ ހިދުމަތް:

މި ކުލިނިކުގެ ހިދުމަތް ހޯދުމަށް 6528181 ނަމްބަރު ނުވަތަ 7328181 ގުޅައި ވައިބާ މެސެޖްކޮށްގެންވެސް އެޕޮއިންޓްމެންޓްގެ ހިދުމަތް ލިބޭނެ އެވެ. ކުލިނިކް ހުޅުވިފައިހުންނާނީ 08:30 – 16:00 | 20:00 – 22:00 އަށެވެ. އާސަންދަ ހަމަޖެހެންދެން އެ ރޭޓްގައި ޑިސްކައުންޓާއެކު ހިދުމަތް ލިބޭނެކަމަށް ހާޖީ މެޑިކަލުން މައުލޫމާތުދެ އެވެ.

ހާޖީ މެޑިކަލް ކްލިނިކްގެ ނަން ނިސްބަތްވަނީ ކުޅުދުއްފުށީގެ ދުވަސްވީ ވިޔަފާރިވެރިޔާ ހާޖީ ޙަސަންފުޅުބެ އަށެވެ.