ކުޅުދުއްފުށީ އުތުރު ބަނދަރު ސަރަހައްދުން އާންމު ވިޔަފާރިއަށް ދެ ބިން ކުއްޔަށް ދެނީ

ކުޅުދުއްފުށީ އުތުރު ބަނދަރު ސަރަހައްދުން އާންމު ވިޔަފާރިއަށް ދެ ބިން ކުއްޔަށް ދިނުމަށް ހުޅުވާލައިފި އެވެ.

ސިޓީ ކައުންސިލުން ބުނީ، އުތުރު ބަނދަރު ސަރަހައްދުން އާންމު ވިޔަފާރިއަށް 1500 އަކަފޫޓްގެ ދެ ބިން 25 އަހަރަށް ކުއްޔަށް ދިނުމަށް ބިޑް ހުޅުވާލާފައިވާ ކަމަށެވެ.

މި ދެ ބިމަށް ރަޖިސްޓްރީވުމުގެ ސުންގަޑިއަކީ ސެޕްޓެމްބަރުމަހުގެ އެއްވަނަ ދުވަހުގެ 10:30 ގެ ކުރިންނެވެ. އަންދާސީ ހިސާބު ހުށަހަޅާނީ 2 ސެޕްޓެމްބަރުވާ ހޯމަ ދުވަހުގެ 10:30 ގަ އެވެ. މިކަމާ ގުޅޭ އިތުރު މައުލޫމާތު ހޯދުމަށް ގުޅާނީ ސިޓީ ކައުންސިލުގެ 6527177 / 6527182 / 6527192 ނަމްބަރަށެވެ.

މި މަސައްކަތާ ބެހޭ ހުރިހާ ލިޔެކިޔުންތަކާއި ސޮޕްޓްކޮޕީ ޕޯމެޓްގައި އެ ކައުންސިލްގެ ވެބްސައިޓް 12 އޯގަސްޓުން ފެށިގެން ޑައުންލޯޑްކުރެވެން ހުންނާނެ ކަމަށެވެ.