2040 ވަނަ އަހަރު އަންނަންވާއިރަށް ރާއްޖެއަކީ ތަރައްގީވެފައިވާ ގައުމަކަށް ހެދުމަކީ އަމާޒެއްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
މިހާރު އެމެރިކާގެ ނިއުޔޯކަށް ކުރައްވަމުން ގެންދަވާ ދަތުރުފުޅުގެ ތެރެއިން އދ.ގެ 79 ވަނަ އާއްމު މަޖިލީހުގެ ބައިވެރިވެވަޑައިގެން ރައީސް ވިދާޅުވީ، 2040 ވަނަ އަހަރު ރާއްޖޭގެ މިންވަންކަމަށް 75 އަހަރު ފުރޭއިރު، އެމަނިިކުފާނުގެ އަމާޒަކީ ރާއްޖެއަކީ ތަރައްގީވެފައިވާ ގައުމަކަށް ހެދުން ކަމަށެވެ.
"އަޅުގަނޑުގެ އަމާޒަކީ، 2040 ވަނަ އަހަރު އަންނަންވާއިރަށް، ރާއްޖެއަކީ ފުރިހަމަ ތަރައްގީވެފައިވާ ގައުމެއްގެ ގޮތުގައި ދެކެން. އިހްތިރާމަށް އަމުރުކުރާ، ގުޅުން ހުރި، އަދި އިހްލާސްތެރިކަން ރަމްޒުކޮށްދޭ ގައުމަކަށްވުން، އިންކްލޫސިވް އަދި އިންސާފުވެރި މުޖުތަމައަކަށްވުން، ދެމެހެއްޓެނިވި ކަމާއި ޑިމޮކްރެޓިކް ވެރިކަމުގެ ނަމޫނާ ދައްކާ ގައުމަކަށްވުން،". ރައީސް ވިދާޅުވެފައި ވެއެވެ.
ރަައީސް ވިދާޅުވިގޮތުގައި ތަރައްގީ ވެފައިވާ ގައުމަކަށް ވުމަކީ ވަރަށް ބުރަ މަސައްކަތެއް ކަމުގައި ހީވި ނަމަވެސް، އެއީ ހާސިލް ކުރެވޭނެ ކަމެއް ކަމަށެވެ.
"ވަރަށް ބޮޑެތި ގޮންޖެހުންތަކަކާއި ކުރިމަތިލައިގެންވެސް ކުރިއަރައިގެން ދިއުމަކީ، ދިވެހިންނަށް އާ ކަމެއް ނޫން،". ރައީސް ވިދާޅުވިއެވެ.
1965 ވަނަ އަހަރު ރާއްޖެއަށް މިނިވަންކަން ލިބުނުއިރު، ރާއްޖެއަކީ ދުނިޔޭގެ އެންމެ ފަގީރު ގައުމުތަކުގެ ތެރެއިން ގައުމެއް ކަން ފާހަގަކުރައްވަމުން ރައީސް ވަނީ ރާއްޖޭގެ އެއިރުގެ ހާލަތު ކިޔާ ދެއްވާފައެވެ.
ރައީސް ވިދާޅުވި، އޭގެ 50 އަހަރު ތެރޭގައި ރާއްޖެއަކީ މެދު ފަންތީގެ އާމްދަނީ ލިބޭ ބަޔަކަށް ވެގެން ގޮސްފައިވާ ކަމަށާއި، މިއީ ފަހުރުވެރި ކާމިޔާބީއެއް ކަަމަށެވެ.
"ރާއްޖެއަކީ ކުރިއަރާފައިވާ ގައުމަކަށް ހެދޭނެ ކަަމަށް އަޅުގަނޑު ގަބޫލު ކުރަން، އެއީ ރާއްޖޭގެ އުފެއްދުންތެރިކަމުގެ ގާބިލްކަމާއި އުފެއްދުންތެރިކަން އިތުރު ކުރަން އިންވެސްޓްކޮށްގެން،". ރައީސް ވިދާޅުވި އެވެ.
މިގޮތުން އިގްތިސޯދު މުޅިން ޑިޖިޓަލައިޒްކޮށް، އާޓިފިޝަލް އިންޓަލިޖެންސްގެ އެހީގައި ހިންގޭ އިގްތިސޯދަކަށް ބަދަލުކޮށްގެން އެކަން ކުރެވޭނެ ކަމަށް ރައިސް ވިދާޅުވިއެވެ. އަދި އެންމެ މުހިންމު ކަމެއްގެ ގޮތުގައި ރައީސް ފާހަގަކުރެއްވީ ރާއްޖޭގެ ގުދުރަތީ ރީތިކަމާއި ކަނޑުގެ ވަސީލަތްތަކުގެ ބޭނުން ހިފުމެވެ.
"އުފެއްދުންތެރިކަން އިތުރުކުރުމަކީ އިގްތިސާދީ ބަދަލުގެ ތަޅުދަނޑި. މިކަން އަޅުގަނޑުމެން ކުރާނީ، އަޅުގަނޑުމެންގެ މުއައްސަސާތައް އިޞްލާޙުކޮށް، ހަރުދަނާކޮށް، އަޅުގަނޑުމެންގެ ދައުލަތުގެ ގާބިލުކަން އިތުރުކޮށް، އަމިއްލަ ކުންފުނިތަކުގެ ބޭނުން ހިފައިގެން. އަދި ޑިޖިޓަލް އިގްތިސޯދު ފަދަ މުހިންމު ދާއިރާތަކުގައި އިންވެސްޓްކުރުމަށް އެހީތެރިވެދޭ ސިޔާސަތުތައް ދެނެގަނެ ތަންފީޒުކުރާނަން،". ރައީސް ވިދާޅުވެފައި ވެއެވެ.
އަންނައަހަރު އެންމެ އިސްކަމެއްދޭނީ ނަމާދަށް ލޯބިޖެއްސުންމަށް: މިނިސްޓަރ ޝަހީމް
އިސްލާހުތަކަކީ މިނިވަންކަމާ ސިޔާދަތަށް މުހިންމު ނިންމުންތަކެއް: ރައީސް
އިޒްރޭލު ޕާސްޕޯޓު މަނާކުރުން އަވަސްކުރަން ގޮވައިލި ގަރާރު ބޭރުކޮށްލައިފި
ރާއްޖޭގޭ ފުރަތަމަ އައިއެސްއޯ ސަޓިފައިޑް ކޯލް ސެންޓަރަކަށް އުރީދޫގެ ކޯލް ސެންޓަރ
