މާރޗުމަހު ރީޑިންގ ނަގާނީ 30 ވަނަ ދުވަހާއި 31 ވަނަ ދުވަހު: ކުޅުދުއްފުށީ ފެނަކަ

މި ހިނގައި މާރޗުމަހު ކުޅުދުއްފުށީގެ ކަރަންޓް މީޓަރުތަކުން ރީޑިންގ ނެގުމަށް ހަމަޖެހިފައިވަނީ މިމަހުގެ 30 ވަނަ ދުވަހާ 31 ވަނަ ދުވަހުކަމުގައި ކުޅުދުއްފުށީ ފެނަކަ އޮފީހުން ބުނެފި އެވެ.

ކުޅުދުއްފުށީ ފެނަކަ އޮފީހުން މިއަދު ނެރުނު އިއުލާނެއްގައި ބުނީ، މި މާރޗުމަހު ގޭބިސިތަކާއި އެހެނިހެން ތަންތަނުން ކަރަންޓް މީޓަރުތަކުގެ ރީޑިންގ ނެގުމަށް ހަމަޖެހިފައިވަނީ 30 ވަނަ ދުވަހާއި 31 ވަނަ ދުވަހު ކަމަށާ، އެހެންވުމުން މި ދެ ދުވަހު ރީޑިންގ ނެގުމުގެ މަސައްކަތް ނިންމުމަށްޓަކާ ފަސޭހައިން ރީޑިންގ ނެގޭނެ އިންތިޒާމުތައް ހަމަޖައްސައިދިނުމަށް ކަސްޓަމަރުންގެ ފަރާތުން އެދޭކަމަށެވެ.

އަދި މިފަދަ ކަންކަމުގައި ކަސްޓަމަރުންގެ ފަރާތުން ލިބޭ އެއްބާރުލުމާއި އެހީތެރިކަން ފާހަގަ ޝުކުރުއަދާކޮށްފައިވެ އެވެ.