ވީއެސްއާރުސީ ވޮލީ މުބާރާތް: ކުޅުދުއްފުށީގެ މައްޗަށް ނޮޅިވަރަންފަރު ކުރި ހޯދައިފި

ވީއެސްއާރުސީ ވޮލީބޯޅަ މުބާރާތުގައި ސީދާ ތިން ސެޓުން ކުޅުދުއްފުށީ ބަލިކޮށް ނޮޅިވަރަންފަރުގެ ފުރަތަމަ ކުރިމަތިލުން ކާމިޔާބުކޮށްފި އެވެ.

ފިނޭގައި މިހާރު ކުރިއަށްދާ މި މުބާރާތުގައި ކުޅުދުއްފުށީގެ މައްޗަށް ނޮޅިވަރަންފަރު ކާމިޔާބުކުރީ ސީދާ ތިން ސެޓް ގެންގޮސްގެންނެވެ. އެއީ 25-17، 25-16، 25-22 އެވެ.

އިއްޔެ ހަވީރު ކުޅުނު މިމެޗުގެ މޮޅު ކުޅުންތެރިޔާގެ މަގާމު ހޯދީ ނޮޅިވަރަންފަރު ޓީމުގެ އަލީ ހުޒާމެވެ.

މި މުބާރާތުގައި ރޭ ބައްދަލުކުރީ ހަނިމާދޫ އާއި ވައިކަރަދޫ ވިޔެސް އެވެ. ހަތަރު ސެޓް ކުޅެން ޖެހުނު މިމެޗުގައި ތިން ސެޓް ގެންދިޔައީ ހަނިމާދޫ ޓީމެވެ.

މި މެޗުގެ ނަތީޖާއަށް ބަލާއިރު 25-21، 18-25، 25-12، އަދި 25-18 އެވެ. މި މުބާރާތުގައި މިއަދު ހަވީރު ބައްދަލުކުރާނީ ފިނެއާއި ނޮޅިވަރަމެވެ. މިރޭ ބައްދަލުކުރާނީ ވައިކަރަދޫ ވިޔެސް އާއި ކުޅުދުއްފުށީގެ ޓީމެވެ.