އެމްޑީޕީ އެތެރޭގެ އިންތިހާބުގައި ވޯޓަކާ ނުލާ 165 ކެންޑިޑޭޓުން ހޮވިއްޖެ

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) ދާއިރާތަކުގެ އިންތިހާބަށް ކުރިމަތިލި ކެންޑިޑޭޓުންގެ ތެރެއިން 165 ކެންޑިޑޭޓަކު އިންތިހާބަކާ ނުލާ ހޮވިއްޖެއެވެ.

އެމްޑީޕީން ބުނީ 165 ކެންޑިޑޭޓުން ހޮވިފައިވަނީ އެ ދާއިރާއަށް އިތުރު ކެންޑިޑޭޓަކު ވާދަނުކުރާތީ ކަމަށެވެ.

އިއުލާން: MDP/2021/0022 ދާއިރާ އިންތިޚާބު 2021 އަށް އެންމެ ކެންޑިޑޭޓެއް ކުރިމަތިލުމުން އިންތިޚާބަކާއިނުލާ ހޮވުނު ކެންޑިޑޭޓުންގެ ލިސްޓު އާއްމު ކުރުން – Maldivian Democratic Party https://t.co/y7EeO0nl02

— MDP Secretariat (@MDPSecretariat) September 14, 2021

އެމްޑީޕީގެ އެތެރޭގެ އިންތިހާބު ބޭއްވުމަށް ނިންމާފައި ވަނީ މި މަހުގެ 25 ވަނަ ދުވަހު އެވެ.

މި އިންތިހާބުގައި ރާއްޖޭގެ އެކި ދާއިރާތަކުގައި ގާތްގަނޑަކަށް 300 ވޯޓު ފޮށި ބަހައްޓާނެ އެވެ. އެމްޑީޕީން ބުނާ ގޮތުގައި އެޕާޓީގެ ދަފްތަރުގައި މިވަގުތު ތިބީ 93،0354 މެމްބަރުނެވެ.

އެމްޑީޕީގެ އެތެރޭގެ އިންތިހާބުގައި ޕްރޮވިންސްތަކާއި ސިޓީތަކާއި ދާއިރާތަކަށް 455 ބޭފުޅުން އިންތިހާބު ކުރުމަށް ހަމަޖައްސާފައިވެ އެވެ. އަދި 900 އަށްވުރެ ގިނަ މީހުން އޮފިޝަލުންގެ ގޮތުގައި ހަރަކާތްތެރިވުމަށް ވަނީ ހަމަޖެހިފައެވެ.