މާފުށީ ޖަލަށް 50 ގޮޅި ހިމެނޭ ޔުނިޓެއް އިތުރު ކުރަން ސަރުކާރުން ނިންމައިފިއެވެ. ހޯމް މިނިސްޓްރީން މިހާރު ވަނީ ޖަލަށް އިތުރު ކުރާ ބައިގެ ކުރެހުންތައް ކުރަހާނެ ފަރާތެއް ހޯދަން އިއުލާން ކޮށްފައެވެ.
ހޯމް މިނިސްޓްރީން ކޮށްފައިވާ އިއުލާނުގައި ބުނެފައިވަނީ މާފުށީ ޖަލަށް 50 ގޮޅީގެ ޔުނިޓް އިތުރުކުރުމުގެ، ޕްލޭން ތައްޔާރުކޮށް ޑިޒައިންގެ މަސައްކަތް ކޮށްދޭނެ ބަޔަކު ހޯދުމަށް ބީލަން ހުށައެޅުމުގެ ފުރުސަތު މިހާރު ހުޅުވާލާފައިވާ ކަމަށެވެ. ބީލަމުގައި ބައިވެރިވާ ފަރާތްތަކުން ބުދަ ދުވަހުގެ 12:00ގެ ކުރިން އެކަން މިނިސްޓްރީއަށް އަންގަންޖެހޭނެ ކަމަށް އިޢުލާނުގައިވެއެވެ.
މި މުއްދަތުގައި ރަޖިސްޓްރީ ކުރައްވާ ފަރާތްތަކަށް ބޭނުންވާފުޅުވާ މަޢުލޫމާތު 20 އެޕްރިލްވާ ބުދަ ދުވަހުގެ 14:00 ގެ ކުރިން އެ ފަރާތަކުގެ އީ-މެއިލް އެޑްރެހަށް އީ-މެއިލް ކުރެވޭނެ ކަމަށް ހޯމް މިނިސްޓްރީން ބުންޔެވެ.
މިމައްސަކަތައް އަންދާސީ ހިސާބު ތައްޔާރު ކުރަން ލިބޭނީ ހަތަރު ދުވަހެވެ. ހޯމް މިނިސްޓްރީގެ އިއުލާނުގައި ވިދާޅުވީ 24 އޭޕްރިލްވާ އާދިއްތަ ދުވަހުގެ 12:00 އަށް މިނިސްޓްރީ އޮފް ހޯމްއެފެއާޒް/ ވެލާނާގެ 10 ވަނަ ފަންގިފިލާގައި އަންދާސީ ހިސާބު ހުށަހެޅުއްވުން އޮންނާނެ ކަމަށެވެ.
މާފުށީ ޖަލަށް 50 ގޮޅި އިތުރު ކުރަން ނިންމިއިރު މިހާރު ވެސް ޖަލުގައި ޖާގަ ނެތިގެން އެތައް ބަޔަކު ޖަލަށް ނުގެންދެވި އެބަތިއްބެވެ. އަދި ރިމާންޑް ޖަލުތަކުގައި ބައިތިއްބަން ޖެހޭ އެތައް ބަޔަކު ކަސްޓޯޑިއަލް ޖަލުތަކުގައި އެބަތިއްބެވެ.
އުރީދޫ ސުޕަނެޓުން އަންލިމިޓަޑްކޮށް އިންޓަނެޓުގެ ހިދުމަތް ދެނީ
ރީހެބިލިޓޭޝަން ފުރިހަމަކުރާ ގައިދީންގެ ހުކުމަށް ލުއި ދޭން ނިންމައިފި
ވިލާ ކޮލެޖުގެ 2025 ވަނަ އަހަރުގެ ޖެނުއަރީ އިންޓޭކްގެ ކޯސްތަކުގައި ބައިވެރިވުމަށް ހުޅުވާލައިފި
އޭޖީ، ސިވިލް ސާވިސް އިން ވަކިކޮށް، ވަކި ހިދުމަތެއްގެ ގޮތުގައި ހަދަނީ
