ތުރާކުނުގައި ޒަމާނީ ފެންވަރުގެ ރީތި މިސްކިތެއް

ހއ. ތުރާކުނު ރައްޔިތުންނަށް ޒަމާނީ ރީތި މިސްކިތެއް އަޅައިދިނުމުގެ އަމަލީ މަސައްކަތް ފަށައިފި އެވެ.

ތުރާކުނުގައި އިއްޔެ ބޭއްވި ރަސްމިއްޔާތެއްގައި މިސްކިތުގެ ބިންގާ އަޅުއްވައިދެއްވީ އިސްލާމިކް މިނިސްޓަރު އަހްމަދު ޒާހިރު އާއި ހޯރަފުށި ދާއިރާގެ މެންބަރު އަހްމަދު ސަލީމް އެވެ.

300 މީހުންގެ ޖާގައިގެ މި މިސްކިތް އިމާރާތްކުރުމަށް ޙަވާލުކޮށްފައިވަނީ މައިކްރޯން ޕްރިވެޓް ލިމިޓެޑާ އެވެ. މައިކްރޯން ޕްރައިވެޓް ލިމިޓެޑް ކުންފުންޏާ އެކު ސަރުކާރުން އެއްބަސްވުމެއްގައި ސޮއިކުރީ މިދިޔަ މާޗް 23 ވަނަ ދުވަހު އެވެ. މަސައްކަތް ނިންމަން ދިނީ އެއް އަހަރެވެ.

ދައުލަތުގެ ބަޖެޓުން ހަރަދުކޮށްގެން އަޅާ މި މިސްކިތުގެ އަގަކީ 10.6 މިލިއަން ރުފިޔާ އެވެ.