ހއ ދިއްދޫގައި އިމާރާތްކުރާ 75 ހައުންސިންގ ޔުނިޓްގެ ބިންގާ އަޅައިފި އެވެ. ދިއްދޫގައި މިއަދު ބޭއްވި ރަސްމިއްޔާތުގައި ބިންގާ އަޅައިދެއްވީ ހައުންސިންގ މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީނެވެ.
އަކްރަމް ކަމާލުއްދީނުގެ އިތުރުން ހއ އަތޮޅު ކައުންސިލްގެ ރައީސް އާއި ދިއްދޫ ކައުންސިލް ރައީސް އާއި މެމްބަރުން އަދި މި ޕްރޮޖެކްޓް ކޮންޓްރެކްޓަރ، އެސްޖޭ ކުންފުނީގެ މަންދޫބުންވެސް މި ރަސްމިއްޔާތުގައި ބައިވެރިވެވަޑައިގެންނެވި އެވެ.
ޑިޒައިން އެންޑް ބިލްޑް އުސޫލުން 75 ހައުސިންގ ޔުނިޓް އެޅުމުގެ މަސައްކަތް ޕްލޭނިން މިނިސްޓްރީން އެސްޖޭއާ ހަވާލުކުރީ މިދިޔަ އޯގަސްޓްމަގުގެ ތެރޭގައި އެވެ.
120،405،400.00 ރުފިޔާގެ މި މަޝްރޫއު 365 ދުވަހުގެ ތެރޭގައި ނިންމުމަށް ހަވާލުކޮށްފައިވާ މި މަޝްރޫއުގައި ހިމެނޭނީ 700 އަކަފޫޓްގެ 75 ރޯހައުސްއެވެ.
ޕީއެސްއައިޕީ ބަޖެޓުން ހަރަދުކޮށްގެން އަޅާ މި ރޯހައިސްތަކުގައި ހިމެނޭނީ 3 ކޮޓަރި، 3 ފާހާނާ، ސިޓިންގ ރޫމް، ބަދިގެ، ކާގެ، ލޯންޑަރީ ރޫމް އަދި ސްޓޯރޫމެކެވެ.
މިހައުސިން ޔުނިޓްތަކުގައި ދިރިއުޅޭ ފަރާތަކަށް ހިތްފަސޭހަ މާހައުލެއް ގާއިމްކުރުމަށްޓަކައި ޔުނިޓް ވަށައިގެން އަލިކުރެވި، ޕާކަކާއި ވެހިކަލް ޕާކްކުރާނެ ސަރަހައްދެއް ގާއިމްކުރާނެކަމަށް ޕްލޭނިން މިނިސްޓްރީން ބުނެއެވެ.
ފަސޭހަކަމާއެކު ކޮރަލްސްގެ މައްޗަށް ކުރިހޯދާ ހީވެސް ނުވޭއިން ސެމީގެ ފުރުސަތު ބޮޑުކޮށްފި
ޕްރިންސް ބޯޑޫގެ ހެޓްރިކާއެކު ހިރަފުސް ކަޓުވާލާ މަގުލަހުން ސެމީއަށް
ބިލާއެކު ކުޅުދުއްފުށީގެ ތަރައްގީއަށް ފެށިފައިވާ ބައެއް މަޝްރޫއުތައް ހުއްޓާލަން މަޖުބޫރުވެއްޖެ
ހުސެއިން ޕީ ގެ ލަނޑާއެކު ކަނޑިތީމު ސެމީއަށް ގެންގޮސްދީފި
