ވެމްކޯއިން ކުޅުދުއްފުށީ ގޭގެއިން ކުނި ނެގުމުގެ ހިދުމަތަށް ރަޖިސްޓަރ ވުމަށް ހުޅުވާލައިފި

ވޭސްޓް މެނޭޖްމެންޓް ކޯޕަރޭޝަން ލިމިޓެޑް (ވެމްކޯ)ގެ ފަރާތުން ކުޅުދުއްފުށީ ގޭގެއިން ކުނި ނެގުމުގެ ހިދުމަތަށް ރަޖިސްޓަރ ވުމަށް ކުޅުދުއްފުށީ ސިޓީ ކައުންސިލުން ހުޅުވާލައިފި އެވެ.

އެ ކައުންސިލުން މިއަދު ކުރި ޕޯޓުގައި ބުނީ ކުނި ނެގުމަށް ރަޖިސްޓްރީވުމަށް ހުޅުވާލާފައިވާއިރު، މާދަމާ އިންފެށިގެން މި މަހު 9 ވަނަ ދުވަހުގެ ހެނދުނު 9:00 ން 17:00 އަށް އެންއޯސީ ގުރައުންޑް ފުލޯރ ހޯލުގައި ކުރިއަށް ދާނެ ކަމަށެވެ. މީގެ އިތުރުން އޮންލައިންކޮށް ރަޖިސްޓްރީވުމަށް އެކައުންސިލުން ވަނީ ގޫގުލް ފޯމެއްވެސް ހިއްސާކޮށްފަ އެވެ.

މި ހިދުމަތަށް ރަޖިސްޓްރީވާން އެންއޯސީއަށް ދުރުވާއިރު އައިޑީ ކާޑާއި ގޭގެ ރަޖިސްޓްރީ ނުވަތަ ރައްވެހިންގެ ރަޖިސްޓްރީ/ކޮޕީ ހިފައިގެން ދިއުމަށް ކައުންސިލުން އެދެއެވެ.

މީގެ އިތުރުން ކުނި ކަލެކްޝަން ރާވާފައިވާގޮތާއި ކުނި ނައްތާލުމަށް ކުރެވޭ މަސައްކަތްތަކާއި ކުނި މެނޭޖުކުރުމުގެ ނިޒާމަށް ގެނެވޭ ބޮޑެތި ބަދަލުތަކާއި ގުޅޭގޮތުން ރައްޔިތުންނާއި މަޝްވަރާކޮށް ހިޔާލު ހޯދުމަށް ބާއްވާ ބައްދަލުވުމުގައި ކުޅުދުއްފުށީގެ އެންމެހާ ރައްޔިތުން ބައިވެރިވުމަށް އެ ކައުންސިލުން ވަނީ އެދިފަ އެވެ.

މި ބައްދަލުވުންއޮންނާނީ މާދަމާރޭ 20:30ގައި ހދ. އަތޮޅު ތައުލީމީ މަރުކަޒު ހޯލުގަ ކަމަށްވެސް އެ ކައުންސިލުން ވަނީ ބުނެފަ އެވެ.